Gídeonfélagið á Íslandi

VELKOMIN Á VEFSÍÐU GÍDEONFÉLAGSINS

Markmið Gídeonfélagsins er að koma orði Guðs í hendur fólks á flestum aldursskeiðum þess. Frá upphafi hafa Gídeonfélagar út um allan heim gefið meira en 2 milljarð eintaka af Biblíum og Nýja testamentum í 190 löndum og við bætast rúmlega tvö eintök hverja einustu sekúndu sem líður. Frá árinu 1954 hafa félagar í Gídeonfélaginu á Íslandi heimsótt grunnskóla á landinu og gefið nemendum Nýja testamenti. Nemdendum er gert ljóst að um gjöf sé að ræða sem hver og einn ræður hvort hann þiggur. Í heimsókninni er sagt örstutt frá félaginu og svo bókin afhent. Ef vilji kennara er fyrir hendi fara Gídeonfélagar yfir hvernig Biblían skiptist í Gamla- og Nýja testamentið og einnig hvernig bókin skiptist í kafla og vers. Biblían er grunnheimild kristinnar trúar en fræðsla um kristna trú og grunnþekking á Biblíunni er mikilvægur hluti aðalanámskrár grunnskóla. Því er ljóst að um góða gjöf er að ræða sem styður við skólastarfið og veitir áhugasömum nemendum meiri innsýn í hugarheim trúarinnar. Í heimsóknum í grunnskóla er kennari ávallt viðstaddur heimsóknina enda heimsóknin á forsendum skólans og er ætlað að styðja við skólastarfið. Stærsti þáttur Gídeonfélagsins er að gefa Nýja testamentið til þeirra sem vilja. Stærsta verkefni hvers árs er heimsókn í grunnskóla landsins en langflest sveitarfélög bjóða Gídeonfélaga velkomna í skólana sína með sína góðu gjöf, Nýja testamentið, enda styður gjöfin við markmið aðalnámskrár grunnskóla um þekkingu á kristinni trú og sögum Biblíunnar. Einnig gefur Gídeonfélagið Nýja testamentið á hótelherbergi, á öldrunarheimili, í fangaklefa og víðar. Gídeonfélagið á Íslandi er hluti af Alþjóðasamtökum Gídeonfélaga. Gídeonfélagar fara reglulega í heimsóknir í kirkjur og kynna þar starf félagsins. Þar gefst kirkjugestum tækifæri til að gefa fé í Biblíusjóð félagsins.